သက်ဆုံးတိုင်ချစ်တဲ့ မေတ္တာ

သက်ဆုံးတိုင်ချစ်တဲ့ မေတ္တာ
----------------------------------------------------------------

ဂျိမ်းစ် နဲ့ လော်ရက်တာ တို့လက်ထပ်ခဲ့တာ ၆၄ နှစ်ကြာခဲ့ပါပြီ... ဒုတိယကမ္ဘာစစ်မှာ တပ်မတော်အရာရှိတစ်ဦးအဖြစ် တာဝန်ထမ်းဆောင်ခဲ့ပြီး အိမ်ပြန်လာတဲ့ ဂျိမ်းစ်ဟာ လော်ရက်တာနဲ့ စတင်တွေ့ဆုံခဲ့ပါတယ်... အိမ်နီးချင်းတစ်ယောက်က သူတို့နှစ်ယောက်ကို စပြီးမိတ်ဆက်ပေးတဲ့ အချိန်ကတည်းက သူမကို တစ်သက်လုံး လက်တွဲသွားချင်တယ်ဆိုတာ... ချက်ချင်းသိလိုက်တယ်လို့ ..သူကပြောပါတယ်...

ဒါပေမဲ့ အဲ့ဒီအချိန်မှာ သူမဘက်ကတော့ အသင့်မဖြစ်သေးပါဘူး... လော်ရက်တာက လက်မထပ်ခင်မှာ Mt. Mary ကောလိပ်မှာ ကျောင်းပြီးအောင်တက်ဖို့ တောင်းဆိုခဲ့ပါတယ်... ဒါကြောင့် သူမဘွဲ့ရပြီး နောက်တနင်္ဂနွေမှာ သူတို့နှစ်ယောက် လက်ထပ်ခဲ့ကြပါတယ်.. သူတို့မှာ သားသမီးငါးယောက်... မြေးနှစ်ဆယ့်သုံးယောက်ရခဲ့ပြီး ပျော်ရွှင်စရာဘဝတစ်ခုကို ပိုင်ဆိုင်ခဲ့ကြပါတယ်...

လွန်ခဲ့တဲ့နှစ်အနည်းငယ်... အသက် ၈၇ အရွယ်မှာ လော်ရက်တာမှာ အယ်လ်ဇိုင်းမားရောဂါရှိနေတာ တွေ့ရှိခဲ့ရပါတယ်... သိပ်မကြာခင်မှာပဲ ဂျိမ်းစ်ကိုလည်း နှလုံးလှုပ်ရှားမှုကို ထိန်းပေးမယ့်ကိရိယာထည့်သွင်းဖို့ ခွဲစိတ်ရပါတယ်... ဒီကိစ္စအတွက်နဲ့ သူဟာ လပေါင်းများစွာ ဆေးရုံတက်လိုက်ဆင်းလိုက် လုပ်နေရပါတယ်...

"အဘိုးဟာ အဘွားအတွက် အသက်ရှင်နေတာပါ..." လို့ သူတို့ရဲ့ မြေးမလေးကပြောပါတယ်...
"ဒီလောက်အချိန်တွေအကြာကြီး တူတူနေခဲ့တော့ သူတို့ဟာ လူတစ်ယောက်ထဲလိုဖြစ်နေတာပေါ့... အဘိုးက လုံးဝလက်မလျှော့ပါဘူး... ဘာလို့လဲဆိုတော့ အဘွားက သူ့ကို အနားမှာရှိနေစေချင်မယ်ဆိုတာ သူသိတယ်လေ..."

ဂျိမ်းစ်ဟာသူ့ရဲ့ နောက်ဆုံးအချိန်မှာတော့ သူ့ဆန္ဒကို ပြောင်းလဲလိုက်ပါတယ်... သူသေဆုံးသွားတဲ့အခါမှသာ သူ့ဇနီးအနေနဲ့ သူမရဲ့ အယ်လ်ဇိုင်းမားရောဂါအတွက် အကောင်းဆုံး ကုသမှုကိုခံယူနိုင်မှာဖြစ်တဲ့အတွက်ပါပဲ.. ၂၀၁၂ ခုနှစ် နိုဝင်ဘာ ၁၃ ရက်နေ့မှာ ဂျိမ်းစ်ကွယ်လွန်ခဲ့ပြီး သူသတိရှိနေဆဲအချိန်လေးမှာ ချစ်ခြင်းမေတ္တာရဲ့ သင်္ကေတအမှတ်အသားအဖြစ် ဒီဓာတ်ပုံလေးကို မှတ်တမ်းတင်ခဲ့နိုင်ပါတယ်...
----------------------------------------------------------------
Ref: Amazing Facts

နှိုင်းရင့်နွေမှ

ရွှေရောင်တောက်နေတဲ့ အမျိုးသမီးငယ်........

အသက် ၁၆ နှစ်အရွယ် အမျိုးသမီးငယ်တစ်ယောက်နဲ့ နှစ်နှစ်သားအရွယ်ကလေးငယ် တစ်ယောက် ရွှေတိဂုံဘုရားပေါ် ဘုရားဖူးရောက်လာကြတယ် ။ ဘုရားဖူးအဖွဲ့တစ်ဖွဲ့နားအရောက် ကလေးလေးက အမျိုးသမီးငယ်ကို "မေမေ သားရေဆာတယ်" လို့ ပြောလိုက်တယ် ။

အဲ့ဒီ့မှာ ဘုရားဖူးအဖွဲ့ထဲက မိန်းမကြီးတစ်ယောက်က ငယ်ငယ်ရွယ်ရွယ်နဲ့ ကလေးအမေဖြစ်နေတဲ့ အမျိုးသမီးငယ်ကို ခြေဆုံးခေါင်းဆုံးကြည့်ပြီး

" ကြည့်ပါဦးအေ ... ငယ်ငယ်ရွယ်ရွယ်နဲ့ ကလေးအမေဖြစ်နေပြီ ... ဘယ်အရွယ်လောက်က အိမ်ထောင်ကျလဲ မသိဘူး ကလေးတောင် ပြေးတတ်နေပြီ ... မိမနိုင် ဖမနိုင် ခပ်ပျံပျံမိန်းကလေးပဲ ဖြစ်မှာပါ" လို့ မကြားတကြားလှမ်းပြောလိုက်ပါတယ် ။

နောက်မိန်းမကြီးတစ်ယောက်က ပထမတစ်ယောက်ပြောတာကို ထောက်ခံတဲ့အနေနဲ့ " ဟုတ်ပအေ ... ခုခေတ်မိန်းကလေးတွေများ ပြောကိုမပြောချင်ဘူး ... ငါတို့ခေတ်က မိန်းမတွေနဲ့ ကွာပ" လို့ ပြောလိုက်ပြန်တယ် ။

အဲ့ဒီ့စကားတွေကို ကြားသွားတဲ့ အမျိုးသမီးငယ်က မိန်းမကြီးတွေဘက် လှည့်ပြီး ရှိုက်သံနဲ့ " ဘာဖြစ်လို့ အဒေါ်တို့သမီးအရွယ်လောက်ရှိတဲ့ မိန်းကလေးတစ်ယောက်ကို အဲ့လိုဝိုင်းပြောနေကြတာလဲရှင် ... သမီးကို အပြစ်တင်နေကြတဲ့ အဒေါ်တို့ကရော လုံးဝအပြစ်ကင်းနေကြလို့လား ... အဒေါ်တို့ရဲ့ သမီးတွေ တူမတွေ ညီမငယ်တွေလည်း သမီးလိုမဖြစ်ပါစေနဲ့လို့ ဆုတောင်းခဲ့ပါတယ်" လို့ ၀မ်းနည်းပက်လက်နဲ့ သူ့သားလေးကိုချီပြီး အဲ့ဒီ့နေရာကနေ ပြေးထွက်သွားခဲ့ပါတယ် ။ မိန်းမကြီးတွေလည်း "ဒီ ကောင်မလေးတော့ အနာပေါ်တုတ်ကျသွားတာထင်တယ် တချိုးတည်းကို ပြေးသွားတော့တာပဲ" ဆိုပြီး ရယ်မောလိုက်ကြတယ် ။

အဲ့ဒီ့အဖြစ်အပျက်တွေကို မြင်လိုက်ကြားလိုက်တဲ့ လူကြီးတစ်ယောက် ဘုရားဖူးအဖွဲ့ကို " အဲ့ဒီ့မိန်းကလေးကို အရင်ကသိလို့လား?" လို့ မေးလိုက်ပါတယ် ။ " မသိပါဘူး" လို့ ပြန်လည်း ဖြေရော ... လူကြီးက

" အဲ့ဒီ့မိန်းကလေးက အရင်ကကျွန်တော်တို့မြို့လေးကပါ ... မိဘတွေကလည်း ကျိကျိတက်ချမ်းသာ ... ရုပ်ရည်လေးကလည်း လှ ... တစ်ဦးတည်းသော သမီးဆိုတော့ အရွယ်တောင် မရောက်သေးဘူး သားရှင်တွေဆို ၀ိုင်းဝိုင်းကိုလည်လို့ပေါ့ ... ကံဆိုးမိုးမှောင်ကျတယ် ဆိုမလား ... သူ့အသက် ၁၃ နှစ်လောက် သူတို့အိမ်ကို ဓါးပြ၀င်စီးတယ်လေ ... ဓါးပြတွေက အတွင်းပစ္စည်းအကုန်ယူတဲ့အပြင် သူ့အဖေအမေကိုသတ်သွားလေရဲ့ ... ထပ်ကံဆိုးချင်တော့ ဓါးပြတစ်ယောက်က ပုန်းနေတဲ့ သူ့ကိုပါ တွေ့သွားပြီး ... ကျန်တဲ့ဓါးပြတွေနဲ့အတူ မုဒိမ်းဝိုင်းကျင့်လိုက်ကျတယ်လေ ... အဲ့ဒီ့အဖြစ်အပျက်ဆိုးကြီးပြီးလို့ သုံးလလောက်ကြာတော့ သူ့မှာ ကိုယ်ဝန်ရှိလာတယ် ... နီးစပ်ရာ မြို့သူမြို့သားတွေက နင့်အသက်ငယ်ပါသေးတယ် ... တမြို့တနယ်ပြောင်းပြီး အပျိုလုပ်လို့ရပါတယ် ဆိုပြီး ဒီကိုယ်ဝန်ကိုမလွယ်ဖို့ ၀ိုင်းတားကြပါသေးတယ် ... သူမက သူကံဆိုးတာနဲ့ပဲ အပြစ်မရှိတဲ့ကလေးတစ်ယောက်ကို ဆက်ကံမဆိုးစေချင်ဘူးဆိုပြီး ဒီအရွယ်ထိရောက်အောင် အမေစိတ်နဲ့ ကျွေးခဲ့မွေးခဲ့တာပါ ... ခင်ဗျားတို့က အပေါ်ယံကြည့်ပြီး အခုလိုပြောလိုက်တော့ ကလေးမလေးခမျာ ဘယ်လောက်တောင် ၀မ်းနည်းရှာမလဲ " လို့ ပြောပြလိုက်ပါတယ် ။

မိန်းမကြီးတွေလည်း သူတို့အပြစ်သူတို့နောင်တရပြီး ရွှေရောင်တောက်နေတဲ့ အမျိုးသမီးငယ်ထွက်သွားတဲ့ဘက်ကို မျက်ရည်အ၀ိုင်းသားနဲ့ ငေးမျှော်ကြည့်နေမိပါတော့တယ် .....

ပိုးဟပ်ဖြူ.

( Heart Canteen )

ဖတ်ဖူးသမျှ ရင်သို့ ထိသော စာလေးများ (၂)

ဖခင်တစ်ယောက်က တောက်ပြောင်နေတဲ့ကားအသစ်ကြီးတစ်

စီးကို ၀ယ်လာပြီး အိမ်ရှေ့ မှာ ရပ်ထား...တယ် ။ ၄ နှစ်အရွယ်သားဖြစ်သူက ကျောက်တုံးလေးကိုကောက်ယူပြီး ကားနံရံမှာ အစင်းကြောင်းလေးတွေခြစ်ခဲ့တယ် ။

ဖခင်က တွေ့တဲ့အခါ ဒေါသအရမ်းထွက်သွားပြီး ကလေးရဲ့လက်ကို ဆွဲယူလို့ ဒီလို ဆော့ရမလားဆိုပြီး အကြိမ်ကြိမ်အခါခါ ရိုက်နှက်ခဲ့တယ် ပြီးတော့ စိတ်တိုတိုနဲ့ လက်ကို လည်းတအားဆောင့်ဆွဲခဲ့တယ် ။

#######################

ဆေးရုံရောက်တဲ့အခါ သားဖြစ်သူကမေးတယ် ။ “ ဖေဖေ သားလက်ချောင်းတွေဘယ်တော့မှ ပြန်ကောင်းမှာလဲဟင် ”

ဖခင်ရဲ့ရင်ထဲ နာကျင်သွားခဲ့ရတယ် ။ ပြီးတော့ ကားဆီကို ပြန်လာပြီး အဲဒီကားကို အကြိမ်ပေါင်းများစွာ ခြေထောက်နဲ့ကန်ခဲ့တယ် ။

ဖခင်ဟာ ကားဘေးမှာ ထိုင်ချလိုက်ပြီး အစင်းကြောင်းတွေကိုကြည့်လိုက်တဲ့အခါမှာတော့ “ ဖေဖေ့ကိုသားချစ်တယ် ” လို့ရေးထားတာကိုတွေ့လိုက်ရပါတော့တယ် ။

#######################

ဒေါသမထွက်ခင်မှာ အကြောင်းအရင်းမှန်ကို ကျွန်တော်တို့ဦးစွာ ရှာဖွေကြဖို့လိုတယ် ။ ဒေါသတကြီးပြုမှုလိုက်တဲ့အရာတွေဟာ နောင်တချိန်သွေးအေးသွားတဲ့အခါ အမှားတွေနဲ့နောင်တတွေဖြစ်နေတတ်ပါတယ် ။

သက်တန့်ချို

ဖတ်ဖူးသမျှ ရင်သို့ ထိသော စာလေးများ (၁)

ချွေးမလုပ်တဲ့သူက “ပေါ့တော့လဲ အရသာမရှိဘူး၊ ငံတော့လဲ မျိုမကျဘူး။ အမေကဘာဖြစ်ချင်တာလဲ?”
အမေက သူ့သားပြန်လာတာမြင်တော့ဘာမှမပြေ

ာတော့ဘဲ ထမင်းဟင်းကို ပါးစပါထဲသွတ်ထည့် လိုက်တယ်။ သူမသူ့ကို မျက်စောင်းထိုးပြီး တစ်ချက်ကြည့်လိုက်တယ်။
သားက တစ်လုတ်လောက်မြည်းကြည့်လိုက်တယ်။ ချက်ချင်းပြန်ထွေးထုတ်လိုက်ပြီး “ငါမင်းကို ပြောထားတယ် မဟုတ်ဘူးလား၊ အမေ့မှာ ရောဂါရှိတယ်၊ အငံစားလို့မရဘူးဆိုတာကို”
“ကောင်းပြီလေ၊ ဒါ ရှင့် အမေဘဲ၊ နောက်ကျရင်ရှင်ဘဲချက်တော့”
ချွေးမ ကတော့ ဆောင့်အောင့်ပြီး အခန်းထဲဝင်သွားတယ်။

သားကတော့ သက်ပြင်းတစ်ချက်ချလိုက်ပြီး ပြောလိုက်တယ် “အမေ မစားနဲ့တော့၊ သားခေါက်ဆွဲ ချက်ကျွေးမယ်”
“သား မင်း အမေ့ကို ပြောစရာ ရှိတယ် မဟုတ်လား၊ ရှိရင် ပွင့်ပွင့်လင်းလင်းသာပြောပါ၊ စိတ်ထဲမှာ မျိုသိပ် မထားပါနဲ့။”

“အမေ သား နောက်လကျရင် ရာထူးတိုးတယ်၊ အလုပ်တွေ အရမ်းများလာလိမ့်မယ်၊ မိန်းမကလဲ အပြင်ထွက် အလုပ်လုပ်ချင်တယ်ပြောတယ်။ ဒါကြောင့်…”
“သား အမေ့ကို လူအိုရုံ မပို့ပါနဲ့နော်” အသံလေးက တုန်ရီနေတယ်။

သား ကလဲ ခဏငြိမ်သက်သွားတယ်၊ ဒီထက်ကောင်းတဲ့ အကြောင်းရင်းကို ရှာနေသလို။
“အမေ လူအိုရုံ ကလဲမကောင်းတာ မဟုတ်ပါဘူး၊ အမေသိတဲ့ အတိုင်း မိန်းမအလုပ်လုပ်ရင် အမေ့ကို ကောင်းကောင်းပြုစုနိုင်မှာ မဟုတ်ဘူး၊ ဟိုမှာ က ကျွေမဲ့သူ ပြုစုမဲ့သူ အဆင်သင့်ရှိပြီးသား ဘဲ။ အိမ်မှာထက်တောင် ပို အဆင်ပြေသေးတယ် မဟုတ်ဘူးလား?”

“…….”

ရေမိုချိုးပြီး ခေါက်ဆွဲထုတ်ကို ဘဲ ကမန်းကတန်းပြုတ်စားလိုက်တယ်။ သူ အခန်းထဲဝင်သွားပြီး ပြတင်းပေါက်မှာ ရပ်ပြီး စိတ်ထဲမှာ တွေဝေနေသလိုဘဲ။
အမေဟာ ငယ်ငယ်လေးကတည်းက မုဆိုးမ ဖြစ်ခဲ့တာပါ။ သူ့ကို ကျောင်းပြီးတဲ့ အထိ တစ်ယောက်တည်း ရှာကျွေးခဲ့တာပါ။ ငယ်ရွယ် စဉ် အခါက ပင်ပန်းခဲ့ တာတွေ ကို အကြောင်းပြ ပြီး မိခင်ကို လုပ်ကျွေးစောင့်ရှောက်ရမယ်လို့ တစ်ခွန်းမှ မပြောခဲ့ဘူး။ ဒါပေမဲ့ မိန်းမကတော့ အိမ်ထောင်ရေးနဲ့ ချိန်းခြောက်လာတယ်။

အမေ့ကို လူအိုရုံ တကယ်ပို့ရမှာလား? သူ့ကိုယ်သူပြန်မေးတယ်။ သူ မလုပ်ရက်ဘူး။
“မင်းရဲ့ နောက်ပိုင်း ဘ၀ကို ဆက်ပြီးလက်တွဲလျှောက်မှာက မင်းမိန်းမနော်။ မင်း အမေ မဟုတ်ဘူး”လို့ ဦးလေးရဲ့ သားက အမြဲသတိပေးတယ်။
“မင်း အမေ ဒီလောက်တောင်အိုနေပြီ၊ ကံကောင်းရင်တော့ နေနိုင်သေးတာပေါ့၊ အသက်ရှင်နေတုန်းကောင်းကောင်း ပြုစု ပါလား? သစ်ပင်သည်ငြိမ်ချင်သော်လည်း လေကမငြိမ်ပေ။ မိဘကို လုပ်ကျွေးချင်သော်လည်း မိဘက မရှိတော့ပေ ဆိုတာမျိုးတော့ မဖြစ်စေနဲ့ဟေ့” လို့ တချို့ဆွေမျိုးတွေက တော့ သတိပေးကြတယ်။ သူ ဘာမှ ထပ်မစဉ်းစားချင်တော့ဘူး၊ စိတ်ပြောင်းသွားမှာစိုးလို့။

နေမင်းက သူ့ရဲ့ ပူပြင်းလှတဲ့ အရှိန် အ၀ါကို သိမ်းပြီး တောင်ကုန်းရဲ့နောက်ကွယ်ကို ပုန်းခိုသွားပြီ။
မြို့ပြင် စိတ်ငြိမ်တဲ့ နေရာမှာ တည်ဆောက်ထားတဲ့ အဆင့်မြင့် လူအိုရုံလေး….
ဟုတ်တယ်လေ၊ ပိုက်ဆံများများသုံးထားမှာ သားရဲ့စိတ်ထဲက ပိုဖြောင့်တာပေါ့။
သားက မိခင်ကို တွဲခေါ်ပြီး ဧည့်ခန်းထဲဝင်လိုက်ချိန်မှာ ၄၂ လက်မ တီဗွီ ဖန်သားပြင်မှာ ဟာသကား တစ်ကားပြနေတယ်။ ဒါပေမဲ့ ပရိသတ်တွေဆီက ဘာရယ်သံမှ မကြားရဘူး။
တချို့ အင်္ကျီဆင်တူ ၀တ်ထားတဲ့ အဖိုးကြီးတွေ ဆိုဖာပေါ်မှာ ထိုင်ပြီး ငိုင်နေကြတယ်။ စိတ်ဓာတ်ကျနေတဲ့ ပုံတွေဘဲ။
နောက် လူအိုတစ်ယောက်က ကိုယ့်ဖာသာကိုယ် တီးတိုးပြောနေပြီးမြေကြီးပေါ်ကျနေတဲ့ ဘီစကွတ်မုန့်ကို ကောက်စားနေတယ်။
သားကသိတယ်။ အမေ လင်းလင်းထင်းထင်း ကြိုက်တယ်ဆိုတာကို။ နေရောင် ကောင်းကောင်းရတဲ့ အခန်းတစ်ခန်းကို ရွေးပေးလိုက်တယ်။ ပြတင်းပေါက်ကနေလှမ်းကြည့်လိုက်ရင် မြက်ခင်းပြင်က စိမ်းစိုလို့၊ သူနာပြုတွေက လဲ တွန်းလှည်းတွေကို တွန်းပေးပြီး တချို့လူအိုတွေ ကလည်း လမ်းလျှောက်နေကြတယ်။ ပတ်ဝန်းကျင် တိတ်ဆိတ်လွန်းတာဟာ လူရဲ့စိတ်ထဲမှာ ၀မ်းနည်းသလိုလို ဖြစ်လာစေတယ်။

ဆည်းဆာ သည်လှပသော်လည်းဘဲ မှောင်ရီပျိုးနေပြီ။
“မေ သားပြန်တော့မယ်။”
အမေကတော့ ခေါင်းလေးတစ်ချက်ဘဲငြိမ့်လိုက်တယ်။
သူလှည့်ထွက်သွားတဲ့ အချိန်မှာ အမေက တော့ တောက်လျှောက် လက်ပြနှုတ်ဆက်နေရှာတယ်။ သွားမရှိတော့တဲ့ ပါးစပ်ကို ဟပြီး ခြောက်ကပ်ဖြူလျော်နေတဲ့ နှုတ်ခမ်းသားများဟာ မျှော်လင့်ချက်တွေများစွာနဲ့ ကျန်နေရစ်ခဲ့တယ်။
သားလေးက အဲ့ဒီ အချိန်မှာမှ မိခင်ရဲ့ မီးခိုရောင်သန်းနေတဲ့ ဆံနွယ်တွေ၊ ချိုင့်ဝင်နေတဲ့ မျက်ဝန်း အစုံ၊ တွန့်ကြေနေတဲ့ ပါးပြင် ကို သတိထားမိတယ်။ အမေတကယ် အိုနေပါပြီလား။

သူရုတ်ချည်း တစ်ခုကို သတိရလိုက်တယ်။ သူ ၆နှစ်သား အရွယ်တုန်းက အမေဟာ အရေးကြီးကိစ္စနဲ့ ရွာပြန်ဖို့ရှိတော့ သူ့ကို ဦးလေးအိမ်မှာ အပ်ခဲ့တယ်။ အမေသွားခါနီးမှာ အမေရဲ့ ခြေထောက်ကိုဖတ်ပြီး ကြောက်လန့်တကြားအော်ငိုပါလေရော
“မေမေ သားကိုပစ်မသွားပါနဲ့၊ သားကို မထားခဲ့ပါနဲ့နော်။” နောက်ဆုံး အမေကလဲ သူ့ကို မထားရစ်ခဲ့ပါဘူး။

သူ အလောသုံးဆယ်နဲ့ ထွက်လာလိုက်တယ်၊ တံခါးကိုပါဆွဲပိတ်လိုက်တယ်။
နောက်ပြန် မကြည့်ရဲဘူး။ ဟိုး အတိတ်က အရိပ်တွေ ပြန်ပေါ်လာပြီး စွဲကပ်နေမှာစိုးလို့။

အိမ်ပြန်ရောက်လာတော့ မိန်းမက သူ့အမေပစ္စည်းတွေကို စွန့်ပစ်နေတာ အားရပါးရဘဲ။
၃လက်မ မြင့်တဲ့ ဆုတံဆိပ်လေးတစ်ခု
ဒါဟာ မူလတန်းတုန်းက စာစီစာကုန်းပြိုင်ပွဲ “ကျွန်တော်၏မိခင်” မှာ ပထမရခဲ့တဲ့ အောင်ပွဲ အမှတ်တရလေးပါ။
အင်္ဂလိပ်-မြန်မာ အဘိဓာန် စာအုပ်လေး
ဒါကတော့ အမေ မစားရက် မသောက်ရက် ချွေတာပြီးဝယ်ထားပေးတဲ့ ပထမဦးဆုံးသောမွေးနေ့လက်ဆောင်။
နောက်ပြီး အိပ်ရာဝင်ခါနီးတိုင်း အမေ အမြဲလိမ်းလေ့ရှိတဲ့ ဒဏ်ကြေလိမ်းဆေး။
မင်း အမေကို မလိမ်းပေးတော့ လူအိုရုံ ယူသွားလဲ ဘာထူးမှာတဲ့လဲ?

“တော်ပြီ ဆက်မပစ်နဲ့တော့”လို့ ဒေါသတကြီးအော်လိုက်တယ်။
“ဒါတွေကို မပစ်တော့ ငါ့ပစ္စည်းတွေ ဘယ်မှာထားရမှာလဲ” လို့ မိန်းမကလဲ ပြန်အော်လိုက်တယ်။
“ဒါတွေ အားလုံးဟာ ငါ့ အမေရဲ့ အမွေတွေဘဲ၊ ဘာမှ မထိနဲ့”
“ရှင် ဒါဘာသဘောလဲ?”
“မင်းငါ့ကို ချစ်လို့ ငါကို လက်ထပ်ခဲ့တာ၊ ငါ့အမေကို ကော် နင်ချစ်လို့မရဘူးလား?”

ပြောပြီး သူကားမောင်းထွက်သွားတယ်။

မိုးရွာပြီးတဲ့ ညဟာ အေးစက်လွန်းတယ်။ လမ်းမှာလဲ လူတွေရှင်းလို့၊ သူအဆုံးဆုံထိနင်းပြီး မောင်းလာခဲ့တယ်။
ကားလေးက တောင်ကုန်းပေါ်က လူအိုရုံဆီသို့ဦးတည်လျက်။
ကားကိုရပ်ပြီးဒါနဲ့ လှေခါးပေါ်ပြေးတက်သွားပြီး အမေ့ အခန်းတံခါးကို တွန်းဖွင့်လိုက်တယ်။

သူဝိဥာဏ်မဲ့စွာ ရပ်နေတယ်။
အမေကတော့ ကိုက်ခဲနေတဲ့ ခြေ၂ဖက်ကို နှိပ်နေရှာတယ်။
သားလက်ထဲက ဒဏ်ကြေလိမ်းဆေးကိုမြင်တော့ ၀မ်းသာအားရနဲ့ပြောလိုက်တယ်။
“အမေ မေ့ခဲ့တာ၊ တော်သေးတာပေါ့ သားယူလာပေးလို့”
သူဟာ အမေဘေးနားကို တိုးသွားပြီးဒူးထောက်လိုက်တယ်။
“မိုးချုပ်နေပြီ။ အမေ့ဖာသာလိမ်းမယ်၊ မနက်ဖန်ရုံးတက်ရဦးမယ်၊ ပြန်ပါတော့သားရယ်”

သူ ခဏမှင်သက်သွားပြီး နောက်ဆုံးထိန်းမရတဲ့ မျက်ရည်တွေလျှံထွက်လာပြီး
“သားကိုခွင့်လွတ်ပါ။ သားတောင်းပန်ပါတယ်။ အိမ်ပြန်ရအောင်နော်”

ကိုယ်တွေ တဖြေးဖြေးကြီးလာတာနဲ့ အမျှ မိဘတွေနုနယ်တဲ့ မျက်နှာ တဖြေးဖြေးအိုမင်းခဲ့တာကို မြင်တွေ့နေရတယ်။ နက်မှောင်တဲ့ဆံကေသာ ဖြူရောင်သမ်းလာတယ်၊ လျင်မြန်ဖျက်လပ်မှုက နေ တုံ့နှေးလာတယ်။ ဘယ်လောက်ထိရင်နာစရာကောင်းလဲ။

မိဘဆိုတာ အကောင်းဆုံး တန်ဖိုး အကြီးမားဆုံး အရာတွေကို ထားခဲ့ပေးတယ်။
ဖယောင်းတိုင်မီးလိုဘဲ အဆက်မပျက် ကိုယ့်ကိုယ်ကို လောင်ကျွမ်းပြီး သားသမီးတွေ ကို အလင်းရောင်ပေးခဲ့တယ်။ ကျွန်တော်တို့က ရော?

သူတို့အတွက် နေရာလေးပေးနိုင်လား? ဒါမှ မဟုတ် လိုအပ်တဲ့ အချိန်မှာမှ သတိရတာလား?

သူတို့တောင်းဆိုတာ တကယ်မများပါဘူး။ “မေ မေ ဒီနေ့နေကောင်းလား ထမင်းစားပြီးပြီလား” ဆိုတဲ့ ရိုးရှင်းတဲ့ စကားသံလေးပါဘဲ။

မိဘကျေးဇူး မဆပ်နိုင်ကြရင်တောင် ကျေးဇူးတော့မကန်းသင့်ဘူးလို့  ကျွန်တော် ထင်ပါတယ်.......မိတ်ဆွေ သူငယ်ချင်းများ ဗုဓ္ဒဘာသာဝင် ပီပီ မိဘကျေးဇူး အထူးကျေနိုင်ကြပါစေသား.......
မျှဝေပေးတာလဲမေတ္တာတစ်ခုပါ ♥ Please Share My Friendly :-)
Poe Mg

"ဆောရီး" လို့  အလွယ်တကူ မပြောပါနဲ့

‎"ဆောရီး" လို့  အလွယ်တကူ မပြောပါနဲ့

ချစ်ဆူး ဒီအဖြစ်အပျက်လေးကို ဖတ်မိတော့် အဟုတ် မျက်ရည်ကျမိပါတယ် 

ဒီလိုအဖြစ်မျိုး ကြုံရမှာလည်း အရမ်းကြောက်တယ်

တစ်ယောက်တည်းချစ်တာပါ 

တစ်ယောက်တည်းချစ်တတ်တဲ့ မိန်းခလေးတွေမှာ 

တစ်ယောက်တည်းပဲ ခံစားတတ်တာ သက်ဆိုင်သူ နားလည်ပေးရင်......

ချစ်ဆူး တစ်ယောက်တည်း ပုံပြီးချစ်ရကြိုးနပ်မှာပဲနော်.....

ကောင်လေးနဲ့ကောင်မလေးက ငယ်ငယ်လေးတည်းက အတူကြီးပြင်းလာကြသူတွေ ဖြစ်တယ်။ ကောင်လေးက

ကောင်မလေးကို အမြဲအဖော်ခေါ်ပြီး ရွာပြင်ဖက်က ချောင်းစပ်မှာ

ငါးသွားဖမ်းလေ့ရှိတယ်။ ငါးဖမ်းပြန်တိုင်း ကောင်လေးရဲ့ပလိုင်းထဲမှာ

ငါးတွေကအပြည့်... ကောင်မလေးမှာတော့ လက်ဗလာနဲ့ ပြန်ခဲ့ရတာချည်းပဲ။ ငါးမရခဲ့တဲ့

ကောင်မလေးက မျက်ရည်အဝဲသားနဲ့ အိမ်ပြန်ရောက်တဲ့အထိ မပျော်ရွှင်ခဲ့ဘူး။

♥ Heart Romance ♥

♥ Heart Romance ♥


ကောင်လေး ။ ။ ချစ်နဲ့  ချိန်းတွေ့ တဲ့ အခိုက်အတန့် လေးမှာ အချိန်တွေကို ရပ်တန့် ထားလို့ ရရင် ကောင်းမယ်နော်....

ကောင်မလေး ။ ။ ဟင့်အင်း... ချစ်ကတော့ ကိုနဲ့  ဒီလို ခိုးတွေ့ နေရပြီး အတားအဆီးတွေများတဲ့ အချိန်ကို မြန်မြန် ကုန်ဆုံးစေချင်ပြီ....

-------------------

ကောင်လေး ။ ။ ချစ်ကို ခုချိန်မှာ လိုအပ်တာတွေ မဖြည့်ဆည်းပေးနိုင်ပေမယ့် တစ်ခါတလေတော့ ချစ်အတွက် လက်ဆောင်လေးတွေ ဝယ်ပေးချင်တယ်..

ကောင်မလေး ။ ။ ဘာမှ မမက်မောပါဘူး.. ချစ်တို့ နှစ်ယောက်ရဲ့  အမှတ်တရနေ့ လေးတွေမှာ အနမ်းတစ်ပွင့်ပေးရင်လုံလောက်ပါပြီ...


-------------------


ကောင်လေး ။ ။ ကို ချစ်ကိုချစ်လွန်းလို့  ချစ် ကို့ ထက်သာတဲ့သူနဲ့ တွေ့ သွားမယ်ဆိုရင်တောင် လုံးဝမစွန့် လွှတ်နိုင်တဲ့ ကို့ အတ္တကိုတော့ ချစ်နားလည်ပါနော်..


ကောင်မလေး ။ ။ တစ်ချိန်ချိန် ချစ်တို့ အတူနေဖို့ အဆင်သင့်ဖြစ်တဲ့အချိန်အထိ သစ္စာရှိစွာနဲ့  မျှော်လင့်ရင်း ချစ်နေပါ့မယ်....



~~~~~~~~~~~~~~

နှလုံးသားရဲ့ အနက်ရှိုင်းဆုံး ချစ်ခြင်းနဲ့  ချစ်ကြတဲ့ ချစ်သူမျိုး ဆိုတာ....

*စိတ်ညစ်အောင် လုပ်မိတတ်ကြပါတယ်.. ဒါပေမယ့် ဘယ်တော့မှ စိတ်မကုန်သွားတတ်ဘူး...!!

*အတားအဆီးအမျိုးမျိုးနဲ့ ထိပ်တိုက်တွေ့ ဆုံမြဲပါ.. ဒါပေမယ့် ဘယ်တော့မှ လက်မလျှော့ကြဘူး...!!

*မျက်ရည်ကျရအောင် အမှားကျူးလွန်ဖူးကြပါတယ်..ဒါပေမယ့် အပြုံးတွေ ပိုင်ဆိုင်လာအောင် ဖန်တီးပေးဖို့  ဝန်မလေးတတ်ကြပါဘူး...!!


^ Chuu Lay ^

♥ Heart Canteen ♥

ဘယ်အခြေအနေပဲရောက်ရောက် မင်းလေးသာ ကိုယ့်ရဲ့ထာဝရလက်တွဲဖော် :)

ကောင်လေး ။ ။ သဲ !! ကိုယ်မင်းကို သူများတွေလို ပြည့်စုံအောင်မထားနိုင်ခဲ့ဘူး ။ မင်းလိုချင်တာကို အချိန်ပြည့်မဖြည့်ဆည်းပေးနိုင်ခဲ့ဘူး ။ အဲဒါကြောင့် ကိုယ် မင်းကို တောင်းပန်ပါတယ်နော် ။
ကောင်မလေး ။ ။ အွန် !! ရပါတယ် ကိုရယ် !! သဲလိုချင်တာ ကို့ရဲ့ဖြူစင်တဲ့အချစ်တစ်ခုတည်းတင်ပါ ။ ပစ္စည်း ဥစ္စာပြည့်စုံကြွယ်ဝဖို့ဆိုတာ ကိုနဲ့သဲ ဘဝတစ်ခုထူထောင်ပြီးရင် အတူတူကြိုးစားလို့ရနိုင်တာပဲလေ !! အဲဒီအတွက် ဘာမှ စိတ်မပျက်ပါနဲ့နော် !!
ပြီးတော့ ကို့ကို ကျေးဇူးတင်စရာတစ်ခုရှိတယ် ။

ကောင်လေး ။ ။ ဟင် ဘာများလဲ သဲရဲ့ ??
ကောင်မလေး။ ။ သဲက သူများတွေလိုမလှဘူးလေ ။ ဒီတော့ လူတွေကြားထဲမှာ ကို့အတွက်သိပ်ပြီးမထင်ပေါ်စေဘူးပေါ့ !! ဒါပေမယ့်လေ .. အခုချိန်ထိ သဲကို သစ္စာရှိစွာချစ်နေပေးခဲ့တဲ့အတွက် ကျေးဇူးပါ ကို !!

ကောင်လေး ။ ။ အရူးမလေး !! ကိုယ် ချစ်တယ်ဆိုတာကလည်း မင်းရဲ့ ရုပ်ရည်ကိုမှမဟုတ်ပဲလေကွာာာ !! ကိုယ် ချစ်တာ မင်းရဲ့ ကလေးဆန်ဆန်ဖြူစင်တဲ့စိတ်လေးတစ်ခုတည်းး !! ကဲ ~~ ဟုတ်ပြီနော် !! ဘယ်အခြေအနေပဲရောက်ရောက် မင်းလေးသာ ကိုယ့်ရဲ့ထာဝရလက်တွဲဖော် :)

{ မယ်ပိုး }
< Heart Canteen >