လူတစ်ယောက်ကို ချစ်တဲ့အခါ

ချစ်သူ နှစ်ဦး အလုပ်ဆင်းတဲ့အခါ စားသောက်ဆိုင်တစ်ဆိုင်မှာ စားဖို့။
Shopping တူတူထွက်ဖို့ ချိန်းဆိုထားတယ်။ ကောင်မလေးက အလုပ်မှာ
အစည်းအဝေး က ထင်တာထက် ပိုကြာသွားလို့နောက်ကျတယ်။ သူတို့ချိန်း
ထားတဲ့နေရာကို ရောက်ဖို့ မိုးရေထဲမှာ အပြေးအလွား ပြေးခဲ့ပေ

မယ့်
ရောက်တဲ့အခါ မိနစ် ၃၀ တိတိ နောက်ကျလို့နေပြီ။
ကောင်လေး က စိတ်ဆိုးပြီး အသံမာမာနဲ့
`ချိန်းလိုက်တိုင်း ဒီလိုပဲ နောက်ကျနေမယ် ဆိုရင် နောက်ဆို ငါ
နင့်ကို မစောင့်တော့ဘူး´
အဲ့ဒီ့ တဒင်္ဂလေးမှာ ကောင်မလေး ငိုမိတယ်။ မျက်နှာပေါ်က မိုးရေစက်
တွေကြောင့် ကောင်လေး က သတိထားမိပုံမရဘူး။
ကောင်မလေး စိတ်ထဲမှာ... `ငါတို့တွေ ရှေ့ဆက်ပြီးလက်တွဲဖို့ဖြစ်နိုင်ပါ့မလား´


ဒီအချိန်။ ဒီနေရာ။ တခြား ချစ်သူနှစ်ဦး ချိန်းတွေ့ကြတယ်။
ကောင်မလေး က ချိန်းဆိုထားတဲ့နေရာကိုရောက်တော့ မိနစ် ၃၀ တိတိ
နောက်ကျတယ်။ ကောင်လေးက ပြောတယ်။
`နင် ဒီနေ့ အလုပ်မှာ အလုပ်တွေ အရမ်းများနေပြန်ပြီထင်တယ်...
ရော့..ရေအရင်သောက်လိုက်... နင့်ကြည့်ရတာ မောနေတယ်´
ရေဘူး ကိုလှမ်းပေးပြီး ကောင်မလေး မျက်နှာပေါ်က မိုးရေစက်တွေကို
သုတ်ပေးတယ်။ ပြီးတော့ သူ့ကိုယ်ပေါ်က အနွေးထည်ကို ကောင်မလေးကို
ခြုံပေးလိုက်တယ်။ အဲ့ဒီ့ တဒင်္ဂလေး အတွင်းမှာ ကောင်မလေး ငိုမိတယ်။
ခပ်မြန်မြန်သုတ်ပစ်လိုက်တဲ့ အတွက် ကောင်လေး မမြင်လိုက်ဘူး။
သူမ ရဲ့ မျက်ရည်တွေက ၀မ်းသာလို့ကျတဲ့ မျက်ရည်တွေ၊


လူတစ်ယောက်ကို ချစ်တဲ့အခါ

နားလည်ပေးယုံတင် မကဘူး၊ ကိုယ်ချင်းစာကြည့်ဖို့လည်းလိုတယ်။
ပါးစပ်က တောင်းပန်ရုံ နဲ့ မလုံလောက်ဘူး။ ရင်ထဲက ပါရတယ်။
အမှားကို ၀န်ခံရုံနဲ့ မပြီးဘူး။ အမှားကို ပြင် နိုင်ရမယ်။
အားပေး ထောက်ခံနေရုံနဲ့ မလုံလောက်ဘူး၊ ကိုယ်တိုင်ပူးတွဲပါဝင်ရတယ်။
မေးစရာတွေကို မေးနိုင်ပေမယ့်၊ သံသယ တွေပါတဲ့ မေးခွန်းတွေ မဖြစ်ရဘူး။

တစ်ယောက်နဲ့ တစ်ယောက်
ကိုယ်ဖြစ်ချင်တာ ကို အပြိုင်အဆိုင်တောင်းဆိုနေတာထက်၊
တစ်ယောက်နဲ့ တစ်ယောက်
မတူညီ မှု တွေကို တဖြည်းဖြည်း တူညီအောင် ညှိနှိုင်းကြရအောင်။

သိုးငယ် FB အချစ်ဝတ္ထုများ (၁၅၀၀)

အချစ်စမ်းတယ်..........အဟုတ်

ချစ်သူ ဖြစ်တာ ရက်ပိုင်းပဲ ရှိသေးတဲ့ သူနဲ့ ကျွန်မ
shopping ထွက်တုန်း အင်္ကျီတစ်ထည်ကို တော်တော်လေး ကြိုက်မိတယ်။
အင်္ကျီပေါ်က ဈေးနှုန်းကို ကြည့်လိုက်တော့ တော်တော်လေးကို ဈေးကြီးနေတယ်။
ကျွန်မ မသိမသာ ပြန်ချထားလိုက်ပေးမယ့် သူက ကျွန်မကို
` သွား...စမ်းပြီး ၀တ်ကြည့်လိုက်ပါလား... ´

အင်္ကျီနဲ့ အတူ ကျွန်မ ကိုအ၀တ်လဲတဲ့အခန်းထဲ အတင်းတွန်းပို့တယ်။
အင်္ကျီလဲပြီး ထွက်လာတော့ သူက
` ချစ်နဲ့ အရမ်းလိုက်တာပဲ...´
ပြောပြီးတာနဲ့ သူ့ မျက်လုံးတွေက ဘေးပတ်ဝန်းကျင်
ကို အကဲခတ်လိုက်တယ်။
`ချစ်...ဆိုင်ထဲမှာ ဘယ်သူမှ မရှိတုန်း ကိုယ်တို့ပြေးရအောင်´

ကျွန်မ ငြင်းဖို့ အချိန်တောင် မရလိုက်ပါဘူး။ သူ ကျွန်မ လက်ကို အတင်းဆွဲပြီး
ပြေးတော့တာပါပဲ။ ကျွန်မ သူ့နောက်ကို တကောက်ကောက်ပါသွားတယ်။ အင်္ကျီ ဆိုင်နဲ့
တော်တော်လေး ဝေးတော့ ကျွန်မ သူ့လက်ကို အတင်းဆွဲဖြုတ်ပြီး အော်ငိုမိတယ်။
သူက ကျွန်မ ကိုကြည့်ပြီး အသံမာမာနဲ့
`ဘာလုပ်နေတာလဲ...ပြေးမယ်လေ...တော်ကြာအဖမ်းခံနေရအုံးမယ်´
ကျွန်မ မြေကြီးပေါ်ကို ထိုင်ချပြီး အကျယ်ကြီး အော်ငိုတော့တာပါပဲ။ ဘာလို့များ
ကျွန်မ ချစ်တဲ့သူက ခုလိုမျိုး....။
သူ ကျွန်မ ကိုကြည့်ရင်းနဲ့ အားရပါးရ ရယ်တယ်။ သူ ရယ် လို့ ၀သွားမှ

`ချစ်... ထတော့... ကိုယ်မင်းကို စတာ... ခုနက ချစ် အင်္ကျီသွားလဲတုန်းက အင်္ကျီဖိုး
ပေးပြီးသွားပြီ´

သိုးငယ်FB အချစ်ဝတ္ထုများ(၁၅၀၀)

နင်...ပြောတော့

ကျွန်မ တိတ်တခိုး တစ်ဖက်သက် ချစ်နေတဲ့ သူ မင်္ဂလာဆောင်တော့မယ့် သတင်းကို
ကြားလိုက်ရတော့ ကျွန်မ ရူးမတတ်ခံစားရတယ်။ နှစ်တွေတော်တော်ကြာခဲ့ပြီပဲ။
ကျွန်မ ဟာ သူ့အတွက် အခင်ဆုံး သူငယ်ချင်းတစ်ယောက်သာ ဖြစ်ခဲ့တယ်။ သူ့ ဇနီးလောင်း
အတွက် မင်္ဂလာလက်စွပ်ကို ၀ယ်ဖို

့ ကျွန်မ ရွေးချယ်ခိုင်းပြန်တယ်။ အပြုံး ဆိုတာထက်
မငိုမိအောင်ပဲ ကျွန်မ မနည်းကြိုးစားယူရတယ်။ ကျွန်မ အကြိုက်ဆုံး တစ်ခုကို ရွေးချယ်ပေးမိတယ်။
`ဒါ လေး မဆိုးဘူး´
`နင် ၀တ်ကြည့်ပါလား´
`အင်း...´
`ကွက်တိပဲ... အရမ်းလှတယ်´
ကျွန်မ လက်စွပ်ကို ချွတ်ဖို့လုပ်တဲ့အချိန် သူက ကျွန်မလက်ကို ဖမ်းဆုတ်လိုက်တယ်။
`လက်စွပ်ကို တသက်လုံး ပြန်ချွတ်ခွင့် နင့်မှာ မရှိတော့ဘူး´

ကျွန်မ မှင်သက်သွားတယ်။ ဒီလ ဟာ ကျွန်မ မွေးနေ့လည်း မဟုတ်ပါဘူး။

`နင်...ပြောတော့ နင့် ဇနီးလောင်း အတွက်ဆို...´

`အင်း.....အဲ့ဒါ နင်ပဲလေ´

သိုးငယ် FB အချစ်ဝတ္ထုများ (၁၅၀၀)

`မိခင်ရဲ့မေတ္တာကို ဖုံးကွယ် ဖို့လိုအပ်လို့လား´

တအိမ်သားလုံးမျှော်လင့်နေတဲ့ သားလေး မွေးဖို့ရက်ကိုရောက်လာခဲ့တယ်။
မွေးခန်းထဲကိုရောက်တော့ ဆရာဝန် အသက်ပြင်းပြင်းရှူ လိုက်တယ်။ သားလေး အပြင်ကို
ရောက်လာတော့ ဆရာဝန်နဲ့အတူ သူနာပြုတွေ အကုန်လုံး အသံတိတ်ဆိတ်သွားတယ်။

`မြန်မြန်..မြန်မြန်....ကလေးကို သီးသန့်အခန်းငယ် (incubator ) ထဲပို့ထားလိုက်´

ဆရာဝန်ရဲ့ တုံ့ပြန်မှုမြန်တယ်လို့ပြောရမယ်။ ကလေး မွေးမွေးပြီးချင်း မိခင်တစ်ယောက်က
သွေးနုသားနု။ ခံစားချက်ပြင်းပြင်းတွေ မပေးချင်ခဲ့ပါဘူး။ ခပ်မြန်မြန် ချက်ကြိုးကိုဖျက်ပြီး အနှီးနဲ့
ပတ်ကာ သူနာပြုဆရာမလေးလက်ထဲကို ထည့်ပေးလိုက်တယ်။

နောက် တစ်လ လုံးလုံး ကလေးကို နို့တိုက်ချိန်ရောက်တိုင်း ကလေး က (မေမေ အသစ်) တွေရဲ့ ရင်ခွင်ထဲမှာ။
ဒါပေမယ့် ကလေးကို သူ့အမေရင်း မြင်ခွင့်မရခဲ့ပါဘူး။

`ကလေး က အသည်းရောင်အသားဝါ ဖြစ်နေတယ်... အခု ကြည့်ခွင့်ရမှာမဟုတ်ဘူး´
အကုန်လုံး သူမ ကို ဖုံးကွယ်ထားတယ်။ ဘယ်တော့ သူမ ကလေးကို သူမကြည့်ခွင့်ရမလဲ
ဆိုတာကိုတော့ တချိန်လုံးမေးနေတော့တာပါပဲ။

ဒီလိုနဲ့ တစ်လ ကုန်ဆုံးသွားတယ်။ ထပ်ပြီး လိမ် နေလို့မဖြစ်တော့ဘူး။ ကလေး အမေနဲ့
ကလေး ကိုပေးတွေ့ဖို့ အရေးကို အကုန်လုံးစိတ်လှုပ်ရှားနေတယ်။ ဆရာဝန်ရော သူနာပြု
တွေပါ အဆိုးဆုံးအခြေအနေကိုထည့်တွက်ထားတယ်။
သူမ အသံကျယ်ကြီးနဲ့ အော်ငိုမယ်၊ ပြီးတော့ လဲကျသွားမယ်၊ အဲ့ဒီ့အခါ သူမအတွက် အဆင့်သင့်
အရေးပေါ် ကုတင်တစ်လုံးကို အသင့်ပြင်ထားတယ်။

နောက်ဆုံး သူမ ကလေးကို ပွေ့ချီလိုက်တော့ ကလေးက လက်နှစ်ဖက် ပါမလာဘူး။
ခြေထောက်နှစ်ဖက် လည်းမပါဘူး။ တခြားကလေးတွေနဲ့ ယှဉ်လိုက်ရင် ကလေးက သေးသေးလေး။
သူမ အချိုမြိန်ဆုံး ပြုံးလိုက်တယ်။
`ကြည့်စမ်းပါအုံး.. ကျွန်မ သားလေးက ချစ်ဖို့ကောင်းလိုက်တာ´


(`မိခင်ရဲ့မေတ္တာကို ဖုံးကွယ် ဖို့လိုအပ်လို့လား´ ဆိုပြီး ခေါင်းစဉ် တပ်ထားတာပါ။ ကျွန်တော်က
ခေါင်းစဉ်ကို နောက်ဆုံးမှ ပြန်တပ် ပေးလိုက်တယ်၊ အမေဆိုတာ... ကျွန်တော်တို့အတွက်တော့.....)

အချစ်ဝတ္ထုများ-(၅၂၈)

မင်္ဂလာစု စာအုပ်

မင်္ဂလာစု စာအုပ်
____________

အိမ်ထောင်ကျပြီးသူရော၊ မကျသေးသူတွေအတွက် ငွေစုစာအုပ်လေးတစ်အုပ် လက်ဆောင်ပေးလိုက်ပါတယ်။ အဲဒီ စာအုပ်က ငွေကြေးစုဖို့မဟုတ်ပါဘူး။ ကိုယ်ရဲ့ ပျော်ရွှင်ခြင်း၊ ကြည်နူးခြင်း၊ အမှတ်တရတွေ စုဖို့အတွက်ဖြစ်တယ်။ ဖတ်မိတဲ့ စာလေးတစ်ပုဒ်ကို ဘာသာပြန်မျှဝေလိုက်ပါတယ်။

ကျွန်မ မင်္ဂလာဆောင်တဲ့နေ့က မင်္ဂလာလက်ဖွဲ့အဖြစ် ငွေစုစာအုပ်တစ်အုပ်ကို မေမေက လက်ဆောင်ပေးခဲ့တယ်။ ကျွန်မအတွက် အမွေများလားပေါ့။ စာအုပ်ကို ဖွင့်ကြည့်တော့ စုထားတဲ့ငွေက ကျပ် ၁ဝဝဝပဲရှိတယ်။ မျှော်လင့်ချက်မဲ့တဲ့ မျက်လုံးနဲ့ မေမေကို ကျွန်မကြည့်မိတော့ မေမေက ပြုံးရင်း “သမီး... ဒါ သမီးအတွက် မေမေအထူးလုပ်ထားတဲ့ “မင်္ဂလာစု”စာအုပ်လေးပါ။ နောင်နောက် အမှတ်တရဖြစ်စေတဲ့နေ့မျိုးမှာ ဒီစာအုပ်ထဲ ငွေနည်းများမဆိုစုနိုင်ပါတယ်။ ဒါမှ နောင်အိုမင်းလာတဲ့အခါ ဒီစာအုပ်ထဲမှာ ငွေတွေအပြင် ပျော်ရွှင်ခြင်းတွေပါရှိနေလိမ့်မယ်” လို့ပြောပါတယ်။

မေမေပြောတဲ့စကားကို ကျွန်မ အမှတ်တမဲ့ပဲ ထားလိုက်မိတယ်။ ကျွန်မ အမျိုးသားက အဲဒီစကားကို ခေါင်းတညိတ်ညိတ်နဲ့ မှတ်သားနေခဲ့ပါတယ်။

မင်္ဂလာဆောင်ပြီးနောက် အမျိုးသားက စာအုပ်ထဲ ကျပ် ၅ဝဝ နှစ်ကြိမ် စုလိုက်တယ်။ တစ်ကြိမ်က သူရာထူးတိုးတဲ့အတွက်ဖြစ်ပြီး နောက်တစ်ကြိမ်က ကျွန်မ ခွဲစိတ်ခန်းက ထွက်တဲ့နေ့ဖြစ်တယ်။ အဲဒီတုန်းက အမျိုးသားရဲ့အပြုအမူကို ကျွန်မရယ်မောခဲ့မိတယ်။ ဒါပေမယ့် စိတ်ထဲမှာတော့ ကြည်နူးမိပါတယ်။ ကျွန်မ ကျန်းမာလာတဲ့နေ့ကို သူ့ရဲ့ပျော်ရွှင်တဲ့နေ့အဖြစ် သတ်မှတ်ခဲ့လို့ပါပဲ။

သိပ်မကြာဘူး... ကျွန်မ ကိုယ်ဝန်ရှိလာတယ်။ အဲဒီအတွက် ကျွန်မ ငွေ၂ဝဝဝကျပ် စုလိုက်တယ်။ အဲဒီနောက် မွေးဖွားလာတဲ့ ရင်သွေးငယ်လေး သယ်ဆောင်လာခဲ့တဲ့ပျော်ရွှင်မှုက ကျွန်မတို့အတွက် တိုတောင်းခဲ့ပါတယ်။ ကျွန်မတို့ကြားထဲ ငြင်းခုန်ရန်ဖြစ်မှုနဲ့ အေးစက်မှုက မြန်မြန်ဆန်ဆန် ရောက်လာခဲ့တယ်။ လျှော်လို့မကုန်နိုင်တဲ့ အနှီးတွေ၊ တိုက်လို့မကုန်နိုင်တဲ့နို့တွေက ကျွန်မတို့ရဲ့ခံစားမှုကို ဆိုးသထက် ဆိုးဝါးလာစေခဲ့တယ်။ မေမေ လက်ဆောင်ပေးခဲ့တဲ့ “မင်္ဂလာစု” စာအုပ်က အံဆွဲတစ်နေရာမှာ ကျွန်မတို့ရဲ့ မေ့လျှော့ခြင်းကိုခံခဲ့ရတယ်။ စာအုပ်ထဲက ပျော်ရွှင်ခြင်းကိန်းဂဏန်းက နဂိုနေရာမှာတင် ရပ်တန့်နေခဲ့ပါတယ်။

ကွာရှင်းဖို့အတွက် ကျွန်မတို့ ပြင်ဆင်ကြတော့ မေမေက “အဲဒီစာအုပ်ထဲက ငွေကို သမီးတို့ အရင်ဖြုန်းပြီးမှ ကွာရှင်းကြပါ။ စာအုပ်ထဲက ငွေကသိပ်မများပေမယ့် အဲဒီငွေက သမီးတို့နှစ်ယောက်လုံး ပိုင်တဲ့ငွေဖြစ်တယ်” လို့ပြောတယ်။

စာအုပ်ထဲက ငွေ ၁ဝဝဝကို ကျွန်မထုတ်ယူလိုက်တယ်။ လိုချင်တာ ကြာနေပြီဖြစ်တဲ့ အဝတ်အစားထုပ်တွေကိုကိုင်ဆွဲရင်း ကုန်တိုက်ထဲကနေ ကျွန်မထွက်လာခဲ့တယ်။ ကုန်တိုက်တံခါးဝအရောက် အရောင်းစာရေးမဆီ ကျွန်မပြန်လှည့်လာပြီး “ဆောရီးပဲ... ဒီပစ္စည်းတွေ ကျွန်မ မယူတော့ဘူး။ ပိုက်ဆံပြန်အမ်းပေးပါ” လို့ တောင်းဆိုလိုက်တယ်။

ခေါင်းထဲမှာလည်း ဒီငွေ ၁ဝဝဝ ဟာ ငါတို့ရဲ့ မင်္ဂလာတွေ၊ အမှတ်တရနေ့တွေ၊ အပျော်တွေစုထားတဲ့ ငွေဖြစ်တယ်လို့ ချက်ချင်းတွေး လိုက်မိတယ်။

ကျွန်မ အမျိုးသားက အရှက်ကြီးသူ တစ်ယောက်ဖြစ်တယ်။ ဒါပေမယ့် တစ်ခါက လမ်းမပေါ်မှာ “ငါနင့်ကိုချစ်တယ်” လို့ အော်ပြောခဲ့ဖူးတယ်။ အဲဒီအတွက် ကျွန်မ ငွေတစ်ရာ စုခဲ့တယ်။

ကျွန်မရဲ့ မွေးနေ့ကို သူမှတ်မိတယ်။ ကျွန်မရဲ့ ဖိနပ်အတိုင်း၊ ကျွန်မရဲ့ လျှို့ဝှက်နံပါတ်နဲ့ ကျွန်မ ကြောက်တတ်တဲ့ အရာအားလုံးကို သူမှတ်မိနေတယ်။ အဲဒီအတွက် မွေးနေ့တုန်းက ကျွန်မ ၃ဝဝကျပ် စုခဲ့တယ်။

မိန်းမတွေနဲ့ သူကင်းရှင်းတယ်။ ရေလာမြောင်းပေးလုပ်တဲ့ သူ့လက်အောက်က ဝန်ထမ်းမလေးတွေနဲ့ သူကင်းကင်းရှင်းရှင်း နေခဲ့တယ်။ အခွင့်အရေး မပေးခဲ့ဘူး။ အဲဒီအတွက် ကျွန်မ ၅ဝဝကျပ် စုခဲ့တယ်။

ဒီငွေ ၁ဝဝဝထဲမှာ အပျော်တွေ ဒီလောက်စုမိနေပါလား? ဒီလိုဆိုရင် စာအုပ်ထဲစုထားတဲ့ ငွေ နှစ်သောင်းကျော်ထဲမှာ .... ကျွန်မမျက်လုံးထဲ မျက်ရည်တွေ ပြည့်လျှံလာခဲ့တယ်။

ညနေအိမ်ပြန်ရောက်တော့ စာအုပ်ကို သူ့လက်ထဲ ထိုးအပ်လိုက်ပြီး “ ဒီထဲကငွေတွေ အမြန်သုံးလိုက်၊ သုံးကုန်မှ ကွာရှင်းမယ်” လို့ ကျွန်မပြောလိုက်တယ်။

နောက်တစ်ရက်ညမှာ ကျွန်မလက်ထဲ ငွေစုစာအုပ်ကို သူပြန်အပ်ပါတယ်။ ကျွန်မ ဖွင့်ကြည့်တော့ ငွေတွေလျှော့မသွားတဲ့အပြင် ၁ဝဝဝကျပ် ထပ်တိုးလာခဲ့တယ်။

“ဒီထဲက ငွေတစ်ကျပ်တစ်ပဲဟာ ငါတို့အတူ ကျော်ဖြတ်ခဲ့တဲ့လမ်းကို မှတ်သားထားတယ်။ ငါနင့်ကို အဲလောက်တောင် ချစ်ခဲ့မှန်း ကိုယ့်ကိုယ်ကိုပြန်သတိထားမိလို့ ငွေ ၁ဝဝဝ ငါထပ်စုလိုက်တယ်” လို့ သူက ပြောပါတယ်။

မေမေပြောတဲ့စကားတွေ မှန်ခဲ့ပါတယ်။ အချစ်ဆိုတာ လက်ထပ်ဖို့အတွက် ဖွင့်ခဲ့တဲ့ အကောင့်နံပါတ်ဖြစ်တယ်။ လက်ထပ်ပြီးနောက် လင်မယားကြားမှာရှိတဲ့ အမှတ်တရ၊ ပျော်ရွှင်ခြင်းတွေ၊ ရိုမန်တစ်ဖြစ်ရပ်... ဒါတွေအားလုံးကို ဒီအကောင့်ထဲ စုထည့်ဖို့ဖြစ်တယ်။ ဒီလို နေ့နေ့၊ လလ အပျော်တွေစုတဲ့ အစုစာအုပ်လေးသာရှိခဲ့ရင် ဘယ်လောက်ပဲ ဆင်းရဲတဲ့လက်ထပ်ခြင်းမျိုး၊ ပင်ပန်းတဲ့လက်ထပ်ခြင်းမျိုး ဖြစ်နေခဲ့ပါစေ အခက်အခဲ အားလုံးကို ကျော်ဖြတ်နိုင်မယ်လို့ ကျွန်မယုံကြည်မိပါတယ်။

နိုင်းနိုင်းစနေ (Sunday, October 05, 2008)
.

(ရင်နင့်စေသော စာစုလေးများ)

(ရင်နင့်စေသော စာစုလေးများ)

တစ်ခါတုန်းက လူတစ်ယောက်ဟာ အိမ်ကို နောက်ကျစွာပြန်ရောက်လာခဲ့တယ် ။ ပြီးတော့ အိမ်ရှေ့မှာ ငါးနှစ်အရွယ်သားလေးကစောင့်နေတာတွေ့လိုက်ရတဲ့အတွက်နည်းနည်းစိတ်အနှောက်အယှက်ဖြစ်သွားတယ် ။ သားဖြစ်သူကမေးတယ် ။

သား - အဖေ ကျွန်တော်အဖေ့ကို မေးခွန်းတစ်ခုလောက်မေးလို့ရမလား
အဖေ - ရတာပေါ့ ဘာများလဲ

သား - အဖေ တစ်နာရီအတွင်းမှာ ပိုက်ဆံဘယ်လောက်ရသလဲ ဟင်
အဖေ - အဲဒါသားအလုပ်မဟုတ်ပါဘူး ဘာလို့ ဒီလို မေးခွန်းမျိုးမေးရတာလဲ ( ဖခင်က စိတ်ဆိုးစွာနဲ့ပြန်ပြောလိုက်တယ် )

သား - ကျွန်တော်သိချင်ယုံလေးပါ အဖေ ကျွန်တော့်ကိုပြောပြပါ အဖေ တစ်နာရီအတွင်းမှာ ပိုက်ဆံဘယ်လောက်ရသလဲဟင်
အဖေ - အေးလေသိမှဖြစ်မယ်ဆိုရင်လည်းပြောမယ် တစ်နာရီကို ပိုက်ဆံ ၁၀၀ ရတယ်

သား - အိုး . . ( သားဖြစ်သူခေါင်းငိုက်စိုက်ကျသွားတယ် ) အဖေ ကျွန်တော့်ကို ပိုက်ဆံငါးဆယ်လောက်ချေးလို့ရမလားဟင်
ဖခင်ဖြစ်သူက ဒေါသအရမ်းထွက်သွားပြီးပြောတယ် “ မင်းငါ့ကိုမေးတဲ့ရည်ရွယ်ချက်က ကစားစရာအရုပ်ဝယ်ဖို့ မုန့်ဝယ်စားဖို့ ပိုက်ဆံလိုချင်လို့ တောင်းတာမဟုတ်လား သွား အခု ကိုယ့်အခန်းကိုယ်ပြန်ပြီးအိပ်တော့ မင်းဟာ သိပ်တစ်ကိုယ်ကောင်းဆန်တဲ့သားတစ်ယောက်ပဲ အဖေဖြစ်သူကအလုပ်က ပင်ပန်းလာတယ် ဘယ်လောက်နေ့တိုင်းခက်ခက်ခဲခဲအလုပ်လုပ်နေရတယ်ဆိုတာမသိဘူး ကလေးဆန်ဖို့ပဲသိတယ် ” လို့ ကြိမ်းမောင်းလိုက်တယ် ။

သားဖြစ်သူက တိတ်ဆိတ်စွာပဲ အခန်းထဲ ၀င်သွားပြီး တံခါးကိုပိတ်လိုက်တယ် ။

အဖေဖြစ်သူက ထိုင်ခုံမှာ ထိုင်ချလိုက်ပြီး ဒေါသတွေဆက်ထွက်နေခဲ့တယ် ဘာလို့ သူ့သားက ဒီလို ဒေါသထွက်စေတဲ့မေးခွန်းမျိုးမေးရသလဲဆိုတာကိုပေါ့ “ ငါ့ဆီက ပိုက်ဆံလိုချင်ယုံသက်သက်နဲ့ ဘာလို့ ဒီလိုမေးခွန်းမျိုးမေးရဲရတာလဲ ”

ဒီလိုနဲ့တစ်နာရီလောက်ကြာပြီးတဲ့အခါ ဖခင်ဖြစ်သူ စိတ်ဟာ တဖြည်းဖြည်းဒေါသတွေပြေလာတယ် ပြီးတော့ စပြီးတွေးတယ် ။ “ အင်း သားဟာ တကယ်ပဲ သူလိုအပ်တဲ့အရာဝယ်ဖို့ ငါ့ဆီက ပိုက်ဆံငါးဆယ်ချေးတာလဲဖြစ်နိုင်တာပဲ သူဒီလိုမေးခွန်းမျိုးအရင်က မမေးဖူးပါဘူး ” ဒီလိုနဲ့ ဖခင်ဖြစ်သူဟာ သားရဲ့အခန်းရှေ့မှာ ရပ်ပြီး တံခါးခေါက်လိုက်တယ် ။

“ သားအိပ်ပြီလား ” “ ဟင့်အင်းအဖေ သားနိုးနေတယ် ” ကောင်လေးကပြန်ဖြေတယ် ။ ဖခင်ဖြစ်သူက အခန်းထဲဝင်လာပြီးသားကိုပြောတယ် ။ “ ဒီလိုသားရဲ့ အဖေ စောနတုန်းက သားအပေါ် မာမာထန်ထန်ဆက်ဆံမိတာပါ အဖေအလုပ်အရမ်းပင်ပန်းနေတာလည်းပါတယ်လေ တကယ်ဆို အဖေသားကိုဒေါသမထွက်သင့်ဘူးမဟုတ်လားကဲရော့သားလိုတဲ့ငွေငါးဆယ် ” ဆိုပြီးဖခင်က ငွေငါးဆယ်ထုတ်ပေးလိုက်တယ် ။

သားဖြစ်သူက မတ်တပ်ရပ်လိုက်တယ် ပြီးတော့ပြုံးလိုက်တယ် “ အိုး...ကျေးဇူးတင်လိုက်တာအဖေ ” ပြီးတော့ သူ့ခေါင်းအုံးအောက်ကနေ ကြေမွနေတဲ့ ပိုက်ဆံအကြွေလေးတွေထုတ်လိုက်တယ် ။ အဖေဖြစ်သူက သားမှာ ပိုက်ဆံရှိနေသေးတာတွေ့သွားတယ် ပြီးတော့ စတင်ပြီး ဒေါသပြန်ထွက်လာခဲ့တယ် ။ ကောင်လေးက ပိုက်ဆံတွေကို ဖြည်းဖြည်းချင်းရေတွက်နေတယ် ပြီးတော့ သူ့အဖေ မျက်နှာကိုကြည့်လိုက်တယ် ။

“ မင်းမှာ ပိုက်ဆံအရင်ကတည်းကရှိနေသေးတာကို ဘာလို့ နောက်ထပ်လိုချင်နေသေးတာလဲ ” ဖခင်ဖြစ်သူက ဒေါသတကြီးမေးလိုက်တယ် ။

“ သားမှာ ငွေမလုံလောက်သေးလို့ပါ ဒါပေမယ့်အခုလောက်ပါပြီ ” ကောင်လေးကပြန်ပြောတယ် ။

“ အဖေ သားမှာ အခုငွေတစ်ရာရှိပြီ အဖေ့ရဲ့တစ်နာရီအချိန်ကိုသားဝယ်လို့ရမလားဟင် ကျေးဇူးပြုပြီး မနက်ဖြန်အိမ်ကိုစောစောပြန်လာပါနော် သားအဖေနဲ့ညစာအတူစားချင်လို့ပါ ”

အဖေဖြစ်သူ ဟာ ထိတ်လန့်ကြေကွဲဝမ်းနည်းသွားတယ် ။ သူ့လက်မောင်းတွေနဲ့သားကို အသာအယာပွေ့ဖက်လိုက်ပြီး သူ့ရဲ့ပျက်ကွက်မှုတွေအတွက်မျက်ရည်တွေစီးကျလာခဲ့တယ် ။

--------------------------------------------

ဘ၀မှာ အလုပ်ဆိုတာ လူတိုင်းခက်ခက်ခဲခဲ ကြမ်းတမ်းစွာလုပ်ကြရတယ် ဒါဟာသင်ခန်းစာလေးတစ်ခုပါပဲ ။ ကျွန်တော်တို့ဟာ အချိန်တွေနောက်ကိုဘယ်တော့မှမလိုက်ရဘူး အတူကုန်ဆုံးသင့်တဲ့လူတွေနဲ့သာအချိန်ကို အကျိုးရှိစွာ အသုံးချကုန်ဆုံးစေရမယ်မဟုတ်လား သင့်ရဲ့အချိန်တွေကို ငွေကြေး နဲ့တန်ဖိုးမဖြတ်မိပါစေနဲ့ တစ်စုံတစ်ယောက်ရဲ့အချစ်နဲ့မေတ္တာတရားအတွက်သာ အချိန်တွေဟာ တန်ဖိုးရှိနေပါစေ

ကျွန်တော်တို့မနက်ဖြန်မှာသေသွားခဲ့ရင် ကျွန်တော်တို့အခုလုပ်နေတဲ့အလုပ်တွေနေရာမှာ အရာရာဟာ လွယ်ကူစွာ အစားထိုးဝင်ရောက်သွားမှာပါပဲ ။ လောကကြီးမှာ ကိုယ်မရှိလို့မဖြစ်ဘူးဆိုတဲ့နေရာ ဘယ်နေရာမှမရှိပါဘူး ။ နောင်မှ ရတဲ့နောင်တတွေဟာသင့်ဘ၀ကို အမှားတွေမဖြစ်ပါစေနဲ့ ။ တန်ဖိုးထားသင့်တဲ့အရာကို တန်ဖိုးထားလိုက်ခြင်းကသာ ဘ၀ရဲ့အနှစ်သာရဖြစ်တယ် ။

သက်တန့်ချို
Life, Love, Money & Time အားခံစားဘာသာပြန်သည် ။

နင့် မျက်လုံးတွေမှိတ်ထားလိုက်

ကောင်လေး နဲ့ ကောင်မလေး နှစ်ယောက်တည်း
ကစားနေတုန်း
ကောင်လေးက ` နင့် မျက်လုံးတွေမှိတ်ထားလိုက်´
ကောင်မလေးက ကောင်လေး ပြောတဲ့အတိုင်း
မျက်လုံးကို အားစိုက်ပြီး မှိတ်ထားလိုက်တယ်။

ကောင်လေး က ကောင်မလေး နားကပ်ပြီး ပါး ကို
ရွတ်ခနဲ နမ်းပြီး အဝေးကို ပြေးထွက်သွားတယ်။

(၁၅) နှစ်ကြာပြီးနောက်
ကောင်လေး က ` ချစ်...မျက်လုံး ခဏမှိတ်ထား´
ကောင်မလေးက နှုတ်ခမ်းလေးစူပြီး မျက်လုံးပိတ်ထားတယ်။
ကောင်လေးက ကောင်မလေး ရှေ့ ဒူးထောက်ပြီး လက်ထပ်
လက်စွပ်ကို ကိုင်ထားလိုက်တယ်။
`ကဲ...မျက်လုံးဖွင့်လို့ရပြီ´

နှစ်(၅၀) ကြာပြီးနောက်.. ယောကျာ်းက ဆေးရုံက ကုတင်
ပေါ်မှာ လှဲနေရင်း သူ့ မိန်းမ ကိုခေါ်လိုက်တယ်။
`နင်...ဒီနားခဏလာပြီး မျက်လုံး ခဏလောက် ပိတ်ထားပါလား´
မိန်းမက မျက်လုံး မှိတ်ထားလိုက်တယ်။ မျက်လုံးပြန်ဖွင့်လိုက်တော့
သူ...လူ့လောကကြီးထဲက ထွက်သွားပြီ။။။။
***** သူငယ်ချင်း Dotaking Yanyan ၏ စာသားလေးအား သဘောကျလွန်းလို့ ပြန်ရှယ်လုပ်ထားတာပါ...